കണ്ണൂർ : കോവിഡ് 19 പടരുന്ന സാഹചര്യത്തില് സര്ക്കാറിെന്റ ജാഗ്രതാ നിര്ദേശ പ്രകാരം പറശ്ശിനി കടവ് മുത്തപ്പന് മഠപ്പുരയിൽ അനുഷ്ഠാനങ്ങള് പയംകുറ്റി മാത്രമാക്കി ചുരുക്കി.
ബുധനാഴ്ച മുതല് എല്ലാ നിത്യപൂജകളും കുട്ടികള്ക്ക് നല്കി വരുന്ന ചോറൂണ്, നിര്മാല്യ വിതരണം, പ്രസാദ ഊട്ട്, താമസ സൗകര്യം ഉള്പ്പെടെ ഇനിയൊരു അറിയിപ്പ് ഉണ്ടാകും വരെ താല്കാലികമായി നിര്ത്തിവെച്ചു. വെള്ളാട്ടവും പ്രസാദ ഊട്ടും ബുധനാഴ്ച ഉച്ചക്ക് കൂടി മാത്രമേ ഉണ്ടാകൂ.
ഇപ്പോഴത്തെ സാഹചര്യത്തില് ജനങ്ങള് കൂട്ടം കൂടുന്നതും പരസ്പര സമ്പർക്കവും പരമാവധി ഒഴിവാക്കണമെന്ന സര്ക്കാറിെന്റ നിര്ദേശം കണക്കിലെടുത്ത് ഭക്തജനങ്ങള് സഹകരിക്കണമെന്ന് ക്ഷേത്രം അധികൃതര് അറിയിച്ചു.