Subscribe Us

പൊണ്ണത്തടിയും അമിത ശരീര ഭാരവും നിങ്ങളെ അലട്ടുന്നുവോ, ഈ കുറിപ്പ് നിങ്ങള്‍ക്കുള്ളതാണ്...



നിങ്ങള്‍ ശരീരഭാരം കുറയ്ക്കാന്‍ ശ്രമിക്കുന്നവരും എന്നാല്‍ പരാജയപ്പെടുകയും ചെയ്തിട്ടുണ്ടോ? ആരോഗ്യകരമായ ഭക്ഷണക്രമവും ശാരീരികക്ഷമതയും പാലിച്ചിട്ടും ശരീരഭാരം കുറയ്ക്കുന്നതില്‍ നിങ്ങള്‍ പരാജയപ്പെടുന്നത് സ്വാഭാവികമാണ്. നിങ്ങള്‍ അറിയാതെ വരുത്തുന്ന ചില തെറ്റുകളാകാം ഇതിനു കാരണം. ശരീരഭാരം കുറയ്ക്കുന്നതില്‍ നിന്ന് നിങ്ങളെ തടയുന്ന ഒരു പ്രധാന ഘടകം നിങ്ങളുടെ പ്രഭാത ഭക്ഷണമാണ്. നിങ്ങളുടെ പ്രഭാതഭക്ഷണം കൃത്യമായി ശ്രദ്ധിച്ചില്ലെങ്കില്‍ തടി കുറയ്ക്കാന്‍ മറ്റെന്തു ചെയ്തിട്ടും കാര്യമില്ലാതെ വരും.

ഒരു ദിവസത്തിന്റെ ഏറ്റവും പ്രധാനപ്പെട്ട ഭക്ഷണമാണ് പ്രഭാതഭക്ഷണമെന്ന് പറയപ്പെടുന്നു. ഇത് ശരിയായി കഴിക്കുന്നതിലൂടെ നിങ്ങളുടെ മെറ്റബോളിസം ക്രമപ്പെടുകയും ദിവസം മുഴുവന്‍ നിങ്ങളെ ഊര്‍ജ്ജസ്വലമാക്കുകയും ഭാരം നിയന്ത്രിക്കാന്‍ സഹായിക്കുകയും ചെയ്യുന്നു. നിങ്ങളുടെ പ്രഭാതഭക്ഷണത്തില്‍ ശരിയായ ഭക്ഷണങ്ങള്‍ ഉള്‍പ്പെടുത്തുന്നത് ശരീരഭാരം കുറയ്ക്കുന്നതിന് വളരെ പ്രധാനമാണ്. എന്നിരുന്നാലും, നിങ്ങള്‍ ചെയ്യുന്ന ചില പ്രഭാതഭക്ഷണ തെറ്റുകള്‍ ഉണ്ട്. ഇത് ശരീരഭാരം വര്‍ദ്ധിപ്പിക്കുന്നതിന് കാരണമാകുന്നു. ശരീരഭാരം കുറയ്ക്കാന്‍ നോക്കുന്നവരാണ് നിങ്ങളെങ്കില്‍ നിങ്ങള്‍ തീര്‍ച്ചയായും ഒഴിവാക്കേണ്ടതോ പാലിക്കേണ്ടതോ ആയ ചില കാര്യങ്ങള്‍ ഇതാ.


  രാവിലെ ജ്യൂസിനു പകരം

ജ്യൂസുകളുടെ ആരോഗ്യ ഗുണങ്ങള്‍ ഏറെയാണെന്ന് പറയേണ്ടതില്ല. പഴങ്ങളോ പച്ചക്കറികളോ ജ്യൂസാക്കി കഴിക്കുന്നത് നിങ്ങളുടെ ദിവസം ആരംഭിക്കുന്നതിനുള്ള മികച്ച മാര്‍ഗമായി കരുതപ്പെടുന്നു. എന്നാല്‍ ജ്യൂസുകളില്‍ നാരുകള്‍ അടങ്ങിയിട്ടില്ലെന്ന് അറിയേണ്ടത് പ്രധാനമാണ്. തടി കുറക്കാന്‍ ആഗ്രഹിക്കുന്നവര്‍ രാവിലെ ജ്യൂസിനു പകരം പഴവര്‍ഗം കഴിക്കുക. ഇതിലൂടെ നിങ്ങള്‍ക്ക് കൂടുതല്‍ നേരം വിശപ്പില്ലാതെ നില്‍ക്കാന്‍ ആവശ്യമായ ഫൈബര്‍ ശരീരത്തിലെത്തുന്നു. അതുവഴി വിശപ്പ് തടയുന്നു. ഫ്രൂട്ട് ജ്യൂസിനു പകരം എല്ലായ്‌പ്പോഴും ഒരു പഴം തിരഞ്ഞെടുക്കുക.

  ആവശ്യത്തിന് പ്രോട്ടീന്‍ അടങ്ങിയ ഭക്ഷണം ശീലമാക്കുക.

ശരീരഭാരം കുറയ്ക്കാന്‍ ആവശ്യമായ ഏറ്റവും പ്രധാനപ്പെട്ട പോഷകമാണ് പ്രോട്ടീന്‍. കൂടുതല്‍ നേരം വിശപ്പില്ലാതെ നില്‍ക്കാനും അമിതഭക്ഷണത്തില്‍ നിന്നും ആസക്തിയില്‍ നിന്നും നിങ്ങളെ അകറ്റി നിര്‍ത്താനും ഇത് സഹായിക്കുന്നു. പ്രോട്ടീന്‍ ഉപയോഗിച്ച് നിങ്ങളുടെ ദിവസം ആരംഭിക്കുന്നത് ദിവസം മുഴുവന്‍ ഊര്‍ജ്ജസ്വലതയോടെ നിലനിര്‍ത്തുകയും വിശപ്പു കുറയ്ക്കാന്‍ സഹായിക്കുകയും ചെയ്യും. മുട്ട, ബീന്‍സ്, പച്ചക്കറികള്‍, അണ്ടിപ്പരിപ്പ് എന്നിവ കഴിക്കുന്നത് കൂടുതല്‍ പ്രോട്ടീന്‍ ശരീരത്തിലെത്താന്‍ സഹായിക്കും.


  കാര്‍ബോഹൈഡ്രേറ്റ്‌സ് ഭക്ഷണത്തില്‍ ഉള്‍പ്പെടുത്തുക

കേക്കുകള്‍, ബ്രെഡുകള്‍ എന്നിവ പോലെ എളുപ്പത്തിലുള്ള പ്രഭാതഭക്ഷണങ്ങളില്‍ ഉയര്‍ന്ന കാര്‍ബോഹൈഡ്രേറ്റുകള്‍ ശരീരഭാരം വര്‍ദ്ധിപ്പിക്കും. ഇവയില്‍ ശരീരത്തിന് ആവശ്യമായ ഫൈബറും ഇല്ല. ശരീരഭാരം കുറയ്ക്കാന്‍ സഹായിക്കുന്ന മിതമായ കാര്‍ബോഹൈഡ്രേറ്റ് അടങ്ങിയ മുട്ട, ഗ്രീന്‍ ടീ, നട്‌സ്, സരസഫലങ്ങള്‍, കോഫി, ഓട്‌സ്, വിത്തുകള്‍ എന്നിവ ഉള്‍പ്പെടുത്തുക.

  മധുരം നിറഞ്ഞ ഭക്ഷണം ഒഴിവാക്കുക

നിങ്ങളുടെ കോണ്‍ഫ്‌ളേക്കുകളും കേക്കുകളും രുചിയുളവാക്കുന്നവ ആണെങ്കിലും ഇവയില്‍ പഞ്ചസാര അടങ്ങിയിരിക്കുന്നു. അവ നിങ്ങളെ പെട്ടെന്ന് ഊര്‍ജ്ജസ്വലമാക്കുമെങ്കിലും ക്രമേണ മന്ദഗതിയിലും അലസതയിലേക്കും നയിച്ചേക്കാം. ഫൈബര്‍, പ്രോട്ടീന്‍ അടങ്ങിയ ഭക്ഷണങ്ങള്‍ കഴിക്കുന്നതാണ് നല്ലത്. അത് നിങ്ങളെ ഊര്‍ജ്ജസ്വലമായി നിലനിര്‍ത്തുക മാത്രമല്ല, കൂടുതല്‍ നേരം വിശപ്പ് തടയുകയും ചെയ്യും.


  വൈകി ബ്രേക്ക്ഫാസ്റ്റ് കഴിക്കുന്നത് അപകടം

ഉറക്കമുണര്‍ന്ന് ഒരു മണിക്കൂറിനുള്ളില്‍ പ്രഭാതഭക്ഷണം കഴിക്കുന്നതാണ് നല്ല ശീലം. പ്രഭാതഭക്ഷണ സമയത്ത് നിങ്ങള്‍ കഴിക്കുന്ന നിങ്ങളുടെ ഭക്ഷണം ദിവസത്തെ മുഴുവന്‍ സ്വാധീനിക്കുന്നു. നിങ്ങളുടെ പ്രഭാതഭക്ഷണം വൈകിയാല്‍ നിങ്ങള്‍ ദിവസം മുഴുവന്‍ അമിതമായി ഭക്ഷണം കഴിക്കുമെന്ന് പഠനങ്ങള്‍ കാണിക്കുന്നു.

 പ്രഭാതഭക്ഷണം ഒഴിവാക്കുന്നത് അപകടം

നിങ്ങള്‍ ചെയ്യുന്ന ഏറ്റവും വലിയ തെറ്റാണ് പ്രഭാതഭക്ഷണം ഒഴിവാക്കുന്നത്. ഇവ അനാരോഗ്യകരമായ പ്രവര്‍ത്തിയാണ്, പ്രത്യേകിച്ച് ശരീരഭാരം കുറയ്ക്കാന്‍ ആഗ്രഹിക്കുന്ന ആളുകള്‍ക്ക്. പ്രഭാതഭക്ഷണം ഒഴിവാക്കുന്നത് ശരീരത്തിലെ മെറ്റബോളിസത്തെ കുറയ്ക്കുന്നു. ഇത് ശരീരഭാരം കുറയ്ക്കുന്നതിനുള്ള പ്രധാന ഘടകമാണ്. അതിനാല്‍, നിങ്ങള്‍ എത്ര തിരക്കിലാണെങ്കിലും, നിങ്ങളുടെ പ്രഭാതഭക്ഷണം കഴിക്കുന്നുവെന്ന് ഉറപ്പാക്കുക.