കാഞ്ഞങ്ങാട് : സംസ്ഥാന സ്‌കൂൾ കലോത്സവം അവസാന ലാപ്പിലെത്തിയപ്പോൾ കോഴിക്കോട്‌ ജില്ല മുന്നിൽ (883). പാലക്കാടും (880) കണ്ണൂരും(879)തൊട്ടുപിന്നിൽ. പതിനഞ്ച്‌ ഇനം മാത്രമാണ്‌ ബാക്കി. 1991ൽ കാസർകോട്ട്‌ നടന്ന കലോത്സവത്തിന്റെ തനിയാവർത്തനമാകുകയാണ്‌ ഇത്തവണയും. അന്ന്‌ ഒരു പോയിന്റിന്റെ വ്യത്യാസത്തിലാണ്‌ എറണാകുളം ജില്ലയെ പിന്തള്ളി കോഴിക്കോട്‌ ജേതാക്കളായത്‌.
സ്‌കൂളുകളിൽ പാലക്കാട്‌ ആലത്തൂർ ബിഎസ്‌എസ്‌ ഗുരുകുലം ഹയർ സെക്കൻഡറിയാണ്‌ മുന്നിൽ. ഇടുക്കി കുമാരമംഗലം എംകെഎൻഎം ഹൈസ്‌കൂളും ആലപ്പുഴ മാന്നാറിലെ എൻ എസ്‌ ബോയ്‌സ്‌ ഹൈസ്‌കൂളും പിന്നാലെയുണ്ട്‌. കലോത്സവം ഞായറാഴ്‌ച സമാപിക്കും. വൈകിട്ട്‌ നാലിന്‌ ഐങ്ങോത്തെ പ്രധാനവേദിയിൽ സമാപനച്ചടങ്ങ്‌ പ്രതിപക്ഷ നേതാവ്‌ രമേശ്‌ ചെന്നിത്തല ഉദ്‌ഘാടനം ചെയ്യും. മന്ത്രി ഇ ചന്ദ്രശേഖരൻ അധ്യക്ഷനാവും. മന്ത്രി സി രവീന്ദ്രനാഥ്‌ സമ്മാനം നൽകും. അടുത്തവർഷത്തെ കലോത്സവം കൊല്ലത്ത്‌ നടത്താനും തീരുമാനമായി.
പോയിന്റ് നില
കോഴിക്കോട്‌ 883
പാലക്കാട്‌ 880
കണ്ണൂർ 879
തൃശൂർ 872
എറണാകുളം 842
മലപ്പുറം 841
തിരുവനന്തപുരം 832
കോട്ടയം 826
കാസർകോട്‌ 812
വയനാട്‌ 810
ആലപ്പുഴ 801
കൊല്ലം 796
പത്തനംതിട്ട 716
ഇടുക്കി 667
