സംസ്ഥാനത്തെ 5 വയസിന് താഴെ പ്രായമുള്ള കുട്ടികള്ക്കുള്ള പള്സ് പോളിയോ പ്രതിരോധ തുള്ളിമരുന്ന് വിതരണം ഇന്ന്. രാവിലെ 8 മണിക്ക് തിരുവനന്തപുരം വട്ടിയൂര്ക്കാവ് കുടുംബാരോഗ്യ കേന്ദ്രത്തില് വച്ച് ആരോഗ്യമന്ത്രി കെ.കെ. ശൈലജയുടെ സാന്നിധ്യത്തിലാണ് തുടക്കം കുറിക്കുക. സംസ്ഥാനത്താകെ 24,690 ബൂത്തുകളാണ് സജ്ജമാക്കിയിട്ടുള്ളത്.
കൊവിഡ് മാനദണ്ഡങ്ങള് പാലിച്ചായിരിക്കും പോളിയോ വിതരണം. കൊവിഡ് പോസിറ്റീവായതോ ക്വാറന്റൈനിലായതോ ആയ കുട്ടികള്ക്ക് അവരുടെ ക്വാറന്റൈന് കാലാവധി കഴിയുമ്പോള് ആരോഗ്യ പ്രവര്ത്തകര് വീട്ടിലെത്തി പോളിയോ തുള്ളിമരുന്ന് നല്കും.വാക്സിനേഷന് കേന്ദ്രങ്ങളില് എത്തുന്നവര് കൊവിഡ് പ്രതിരോധ മാര്ഗനിര്ദേശങ്ങള് കര്ശനമായി പാലിക്കേണ്ടതാണ്.
അതിഥി തൊഴിലാളികള് താമസിക്കുന്ന ഇടങ്ങളില് 5 വയസിന് താഴെ പ്രായമുള്ള കുട്ടികള്ക്കായി പോളിയോ തുള്ളിമരുന്ന് ലഭ്യമാക്കുന്നതിന് മൊബൈല് യൂണിറ്റുകള് ഉള്പ്പെടെയുള്ള സജ്ജീകരണങ്ങളും ഏര്പ്പെടുത്തിയിട്ടുണ്ട്.