Subscribe Us

ഭിത്തിയും മേൽക്കൂരയും ഇല്ല, ഈ ഹോട്ടൽ നിങ്ങൾക്ക് നൽകുന്നത് മറ്റൊരു അനുഭവം. സീറോ സ്റ്റാർ ഹോട്ടൽ വിശേഷങ്ങൾ അറിയാം... : | Zero Star Hotel.

കിടക്കാനുള്ള മുറിയ്ക്ക് മതിലുകളില്ല, രാത്രി ഉറങ്ങാനാകില്ല, ചൂടു പിടിച്ച ചര്‍ച്ചകള്‍ മാത്രം…ഇത്തരത്തിലുള്ള പ്രത്യേകതകളുള്ള ഒരു ഹോട്ടലുണ്ട്. ലോകത്തെക്കുറിച്ചുള്ള സകല ആശങ്കകളെയും പ്രശ്‌നങ്ങളെയും കുറിച്ച് ചര്‍ച്ച ചെയ്യാനും ഇനിയെന്ത് എന്നാലോചിക്കാനും പ്രതിഷേധം പങ്കുവയ്ക്കാനും മാത്രമുള്ള ഇടമാണ് ഈ വ്യത്യസ്തമായ കൺസപ്റ്റ്.

ഈ ഹോട്ടലില്‍ താമസിക്കുന്നതിനായി ഒരു ദിവസത്തെ വാടക വെറും 26,000 രൂപ മാത്രമാണ്. ഈ സീറോ സ്റ്റാര്‍ ഹോട്ടലിന്റെ വിശേഷങ്ങള്‍ എന്തൊക്കെയെന്ന് അറിയാം.


സ്വിറ്റ്‌സര്‍ലന്‍ഡില്‍ സ്ഥിതി ചെയ്യുന്ന ഈ ഹോട്ടല്‍ ആരംഭിച്ചത് കണ്‍സെപ്റ്റ് ആര്‍ടിസ്റ്റുമാരായ  സഹോദരങ്ങളാണ്. ഫ്രാങ്ക്, സഹോദരന്‍ പാട്രിക് റിക്ലിന്‍ എന്നിവര്‍ ചേര്‍ന്നാണ് ഹോട്ടല്‍ തുടങ്ങിയത്. തെക്കന്‍ സ്വിസ് കന്റോണായ വലൈസിലെ സെയ്ലോണ്‍ ഗ്രാമത്തിലാണ് വ്യത്യസ്തമായ ഈ മുറികള്‍ സ്ഥിതി ചെയ്യുന്നത്. വാതിലോ ഭിത്തിയോ ഇല്ലാതെ ഒരു പ്ലാറ്റ്ഫോമില്‍ വച്ചിരിക്കുന്ന ഡബിള്‍ ബഡും മേശകളും കസേരകളും ടേബില്‍ ലാംപുകളും മാത്രമേ മുറിയുടെ അകത്തുള്ളൂ. ഹോട്ടലിന്റെ അടിസ്ഥാന തത്ത്വം തന്നെ വ്യത്യസ്തമായി ചിന്തിക്കുക എന്നതാണ്. അതിമനോഹരമായ ഗ്രാമത്തിലെ രാത്രിയുടെ സൗന്ദര്യം ആസ്വദിച്ചുകൊണ്ട് വരുന്ന അതിഥികള്‍ക്ക് രാഷ്ട്രീയവും തത്ത്വചിന്തയും കവിതയുമൊക്കെ സംസാരിക്കാന്‍ കഴിയും.