തിരുവനന്തപുരം : കേരളത്തിൽ കാലവർഷം വീണ്ടും ശക്തി പ്രാപിച്ചു, ജൂലൈ അഞ്ച് വരെ സംസ്ഥാനത്ത് ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്ന് പ്രവചനം, മഴ ഇടിമിന്നലോട് കൂടി തുടരുമെന്നാണ് മുന്നറിയിപ്പ്.
തിരുവനന്തപുരം ഒഴികെ കേരളത്തിലെ എല്ലാ ജില്ലകളിലും ശനിയാഴ്ച യെല്ലോ അലർട്ട് പ്രഖ്യാപിച്ചിട്ടുണ്ട്.
ജൂലൈ 3 മുതൽ ജൂലൈ 5 വരെ തിരുവനന്തപുരം, കൊല്ലം, പത്തനംതിട്ട ഒഴികെയുള്ള എല്ലാ ജില്ലകളിലും യെല്ലോ അലർട്ടാണ്.
കേരളം, കർണാടക, ലക്ഷദ്വീപ് തീരങ്ങളിലെ മത്സ്യത്തൊഴിലാളികൾ ജൂലൈ 4 വരെ കടലിൽ പോകരുതെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) മുന്നറിയിപ്പ് നൽകി.
