ഹോട്ടൽ ഭക്ഷണം കഴിക്കാൻ ഇഷ്ടപ്പെടുന്നവരാണു മിക്കവരും. തിരക്കും മടിയുമൊക്കെ ഇതിനു കാരണവുമാണ്. എന്നാൽ ഭക്ഷ്യവിഷബാധ വാർത്തകൾ പലരെയും ആശങ്കയിലാക്കുന്നു.
∙ ഭക്ഷണം ഒരു മണിക്കൂറിൽ അധികം കവറിൽ സൂക്ഷിച്ചുവയ്ക്കരുത്.
∙ അതതു സമയത്തു കഴിക്കാൻ വേണ്ടതു മാത്രം വാങ്ങാൻ ശ്രദ്ധിക്കുക
∙ കുഴിമന്തി, അൽഫാം, ഷവർമ, ഷവായ് എന്നിവയുടെ കൂടെ നൽകുന്ന തണുപ്പുള്ള സാധനങ്ങൾ (മയോണൈസ്, കെച്ചപ്പ്, ചട്ണി മുതലായവ) പാഴ്സൽ കിട്ടിയാലുടൻ ചൂടുള്ള ഭക്ഷണത്തിൽ നിന്നു മാറ്റിവയ്ക്കുക.
∙ ഭക്ഷണം ഒന്നിൽ കൂടുതൽ തവണ ചൂടാക്കിയും തണുപ്പിച്ചും കഴിക്കുന്നത് ഒഴിവാക്കുക.
. മയോണൈസ്, കെച്ചപ്പ് (സോസ്) എന്നിവ ഫ്രിഡ്ജിൽ വച്ച് വീണ്ടും വീണ്ടും ഉപയോഗിക്കുന്നത് ഒഴിവാക്കുക. മയോണൈസ് പോലുള്ളവയിൽ പെട്ടെന്ന് അണുബാധ ഉണ്ടാകാൻ ഇടയുള്ളതിനാൽ വാങ്ങി ഒരു മണിക്കൂറിനകം ഉപയോഗിക്കണം.
ഹോട്ടലുടമകളുടെ ശ്രദ്ധയ്ക്ക്
∙ പാഴ്സൽ പാക്കറ്റിൽ ഭക്ഷണം പാകം ചെയ്ത തീയതി, സമയം, ‘യൂസ് ബൈ ടൈം’ എന്നിവ രേഖപ്പെടുത്തണം.
. ഭക്ഷണം ഫുഡ് ഗ്രേഡ് കണ്ടെയ്നറുകളിൽ നൽകണം.
∙ ഭക്ഷണം തയാറാക്കുന്നതിനു എടുക്കുന്ന അതേ സൂക്ഷ്മത വിളമ്പുന്നതിലും പുലർത്തണം.
∙ ജീവനക്കാർ ഗ്ലൗസും മാസ്ക്കും ഹെഡ് ക്യാപ്പും അണിയണം.
. വിളമ്പുന്ന ഭക്ഷണത്തിൽ സ്പർശിക്കാൻ പാടില്ല.
∙ഭക്ഷണം പാകം ചെയ്യുന്നതിനു മുൻപും ശേഷവും മാത്രം അടുക്കള വൃത്തിയാക്കുക.
∙ ആരോഗ്യ പ്രശ്നങ്ങളുള്ളവർ അടുക്കളയിൽ പ്രവേശിക്കരുത്.
∙ ആറു മാസം കൂടുമ്പോൾ ജീവനക്കാർ മെഡിക്കൽ സർട്ടിഫിക്കറ്റ് എടുക്കണം.
∙ പാചകത്തിനു ശുദ്ധജലം മാത്രം ഉപയോഗിക്കണം.
∙ വെള്ളം ആറു മാസത്തിലൊരിക്കൽ അംഗീകൃത സ്ഥാപനങ്ങളിലെത്തിച്ചു പരിശോധിക്കണം.
