Subscribe Us

#ARANMULA_UTHRATTATHI_VALLAMKALI ആറന്മുള ഉത്രട്ടാതി ജലോത്സവത്തിന് കൂടുതൽ സൗകര്യങ്ങൾ ഒരുക്കും - മന്ത്രി വീണാ ജോർജ്

ആറന്മുള ഉത്രട്ടാതി ജലോത്സവത്തിന് കൂടുതൽ സൗകര്യങ്ങൾ ഒരുക്കുന്ന കാര്യം സർക്കാർ പരിഗണനയിലുണ്ടെന്ന് മന്ത്രി വീണാ ജോർജ് പറഞ്ഞു. ഒന്നാം പിണറായി സർക്കാരിന്റെ കാലത്താണ് ജലോത്സവത്തിന്റെ അടിസ്ഥാന വികസന പദ്ധതി നടപ്പാക്കിയത്.
  ആചാരാനുഷ്ഠാനങ്ങളോടെ ഗംഭീരമായാണ് ജ്ലോത്സവം നടക്കുകയെന്നും ആറന്മുളക്കാരിയായ തനിക്ക് ഔദ്യോഗികമായി പങ്കെടുക്കാൻ സാധിക്കാത്തതിൽ വിഷമമുണ്ടെന്നും മന്ത്രി വീണാ ജോർജ് പറഞ്ഞു.
  കൊവിഡ് ബാധയുടെ പശ്ചാത്തലത്തിൽ രണ്ട് വർഷമായി പ്രതീകാത്മകമായി മാത്രം നടത്തിയിരുന്ന ജ്ലോത്സവം ഇത്തവണ വിപുലമായി നടത്തുകയാണ്.
  വർണ്ണാഭമായ ഉദ്ഘാടന ചടങ്ങ് ഒഴിവാക്കി. കേന്ദ്ര-സംസ്ഥാന മന്ത്രിമാർ ചടങ്ങിൽ പങ്കെടുക്കില്ല. സ്വാമി നിർവിണ്ണാനന്ദ മഹാരാജ് ജലോത്സവത്തിന്റെ ഭദ്രദീപം തെളിക്കും. ആന്റണി ആന്റണി എംപി വള്ളംകളി ഫ്ലാഗ് ഓഫ് ചെയ്യും.
  രാമപുരം വാരിയർ അവാർഡ് സമർപ്പണം അഡ്വ. പ്രമോദ് നാരായണൻ എംഎൽഎ ഉദ്ഘാടനം ചെയ്യും. സജി ചെറിയാൻ എംഎൽഎ സുവനീർ പ്രകാശനം ചെയ്യും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ.അനന്തഗോപൻ നിർവഹിക്കും.
  ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂർ ശങ്കരൻ വഞ്ചിപ്പാട്ട് കലാകാരന്മാരെ ആദരിക്കും. മിസോറാം മുൻ ഗവർണർ കുമ്മനം രാജശേഖരൻ മത്സരം ഉദ്ഘാടനം ചെയ്യും. എൻഎസ്എസ് പ്രസിഡന്റ് ഡോ.എം.ശശികുമാർ സമ്മാനം നൽകും. കെ.എസ്.മോഹനൻ ക്യാഷ് അവാർഡ് വിതരണം ചെയ്യും.