ചിരിച്ചുകൊണ്ട് ചിന്തിക്കുക, പഠിച്ചുകൊണ്ട് വളരുക... നീണ്ട ഒരു അവധിക്കാലത്തിന് ശേഷം വീണ്ടും കുട്ടികൾ സ്കൂളിലേക്ക് #Schoolopening

വീണ്ടും വിദ്യാലയങ്ങൾ തുറക്കുകയാണ്. പുതിയ യൂനിഫോം, ബാഗ്, കുട... അങ്ങനെ എന്തൊരു സന്തോഷത്തോടെയാണ് കുട്ടികൾ പുറത്തേക്കിറങ്ങുന്നത്. പുതിയ ആകാശവും പുതിയ ഭൂമിയും ലഭിക്കുകയാണവർക്ക്. ശരിക്കും പൂമ്പാറ്റക്കൂട്ടങ്ങളെപ്പോലെ, പലവർണങ്ങളിൽ അവർ കൂട്ടമായി പറക്കുന്നതുപോലുള്ള കാഴ്ച. 

അവർ, പഠിക്കട്ടെ, പഠിച്ച്, പഠിച്ച് വളരട്ടെ... നമ്മുടെ വിദ്യാഭ്യാസ ചരിത്രം മാത്രം പരിശോധിച്ചാൽ മതി, ഈ നാട് എങ്ങനെയാണ് സഞ്ചരിച്ചതെന്നറിയാൻ...വിദ്യധനം സർവധനാൽ പ്രധാനം എന്നാണല്ലോ... 

ഇന്ന് സ്കൂൾ തുറക്കുകയല്ലേ... എല്ലാ കുട്ടികളും പഠിച്ചു ഉയരങ്ങളിലെത്താൻ എല്ലാവരുടെയും പ്രാർത്ഥന കൂടെ ഉണ്ടാകും. പുത്തൻ ഉടുപ്പുകളും, ബാഗുകളും ഒക്കെ ആയി സ്കൂളിൽ പോകുന്ന മക്കൾ അറിവ് നേടി നല്ലൊരു തലമുറയായി വളരട്ടെ എന്ന് ആത്മാർത്ഥമായി ആഗ്രഹിക്കുന്നു.

എല്ലാ കുട്ടികളും സന്തോഷത്തോടെ ഈ വർഷത്തെ വിദ്യാരംഭത്തിന് തുടക്കം കുറിക്കുക. എല്ലാ കുട്ടികൾക്കും മലയോരം ന്യൂസിന്റെ ആശംസകൾ..