പ്രതീക്ഷിത ഒഴിവ്‌
പൊലീസിൽനിന്ന്‌ വിരമിച്ചവരുടെ ഒഴിവിലേക്ക്‌ നിയമനം നടത്തുമ്പോൾ പരിശീലനം പൂർത്തിയാക്കി സേവനം ലഭിക്കാൻ ഒരു വർഷം കാത്തിരിക്കണം. ഇതിന്‌ പരിഹാരമായാണ്‌ ഒരു വർഷത്തെ വിരമിക്കൽ ഒഴിവ്‌ മുൻകൂട്ടി കണ്ട്‌ നിയമനം നടത്തുന്നത്‌.
ടെമ്പററി ട്രെയിനിങ് തസ്‌തിക
പ്രതീക്ഷിത ഒഴിവിലേക്ക്‌ നിയമനം നടത്താൻ സൃഷ്‌ടിക്കുന്ന തസ്‌തികയാണ്‌ ടെമ്പററി ട്രെയിനിങ്. റാങ്ക്‌ പട്ടികയുടെ കാലാവധിക്ക്‌ ശേഷം ഒഴിവ്‌ റിപ്പോർട്ട്‌ ചെയ്‌താൽ സാധാരണ അടുത്ത റാങ്ക്‌ പട്ടികയിൽ നിന്നേ പിഎസ്‌സി നിയമനം നടത്താറുള്ളു. അതുണ്ടാകാതിരിക്കാൻ സൃഷ്‌ടിച്ചതാണ്‌ ട്രെയിനിങ് തസ്‌തിക.
ട്രെയിനികൾക്ക്‌ അടിസ്ഥാന ശമ്പളം സ്‌റ്റൈപ്പൻഡായി നൽകും.
