രാഷ്ട്രീയ പ്രവേശനത്തെക്കുറിച്ചുള്ള അഭ്യൂഹങ്ങൾക്കിടെ, പുതിയ നീക്കവുമായി നടൻ വിജയ്. വിജയ് മക്കൾ ഇയക്കം നിർധനരായ കുട്ടികൾക്കായി സായാഹ്ന ക്ലാസുകൾ സംഘടിപ്പിക്കുന്നു. വിജയ് മക്കൾ ഇയകം എല്ലാ നിയോജക മണ്ഡലങ്ങളിലെയും പാവപ്പെട്ട കുടുംബങ്ങളിലെ കുട്ടികൾക്കായി സായാഹ്ന ക്ലാസുകൾ ആരംഭിക്കും. ടൈംസ് ഓഫ് ഇന്ത്യയാണ് ഇത് സംബന്ധിച്ച വിവരങ്ങൾ പങ്കുവെച്ചത്. ശനിയാഴ്ച ക്ലാസുകൾ ആരംഭിക്കാനാണ് നീക്കം.
234 മണ്ഡലങ്ങളിലെ 10, 12 ക്ലാസുകളിലെ ഉന്നതവിജയികളെ ആദരിക്കുന്ന 12 മണിക്കൂർ നീണ്ട ചടങ്ങിന് ശേഷമാണ് പുതിയ നീക്കം. ഗ്രാമങ്ങളിലെ സ്‌കൂളുകളും വിദ്യാർത്ഥികൾക്കുള്ള ഉച്ചഭക്ഷണ പദ്ധതിയും ഇതിൽ ഉൾപ്പെടും.
